Bakı şəhəri, Əhmədli qəsəbəsi, Sarayevo küçəsi, 18 ünvanında yaşayan sakinlər həyətdəki zibildən narazıdırlar. Bu haqda bu gün, 20 avqust tarixində Real TV reportaj hazırlayıb.
Sakinlərin sözlərinə görə, ərazidəki zibillər vaxtında yığılmadığından tullantılar və onların xoşagəlməz qoxusu hər yerə yayılır.
Şikayətçilər, həmçinin qeyd ediblər ki, zibil yeşiklərinin evlərinin qarşısındakı bloklara yaxın quraşdırılması ilə yanaşı, onların sayı da az deyil: “Ərazidəki bütün məişət və ticarət obyektləri, apteklər, mağazalardan zibilləri bura atırlar. Nəticədə tullantılardan gələn xoşagəlməz qoxu ən yüksək mərtəbələrə qalxır. Pəncərələri açıb hava ilə nəfəs ala bilmirik”.
Məsələni araşdırmaq üçün Xətai Rayon Mənzil Kommunal İdarəsinə müraciət göndərilib. Qurumun baş mühəndisi Sahib Babayevin sözlərinə görə, zibillərin yığılması, daşınması və çeşidlənməsi ilə bağlı layihə Bakının bir çox rayonlarında həyata keçirilib: “Bütün narazılıqlar mərhələli şəkildə aradan qaldırılacaq. Çalışacağıq ki, bu sahədə sakinlərin heç bir problemi qalmasın”.
[caption id="attachment_59940" align="alignnone" width="800"]
Foto Real TV-nin rəsmi Youtube kanalı[/caption]
