Bu gün Bakıda, Heydər Əliyev Sarayında tanınmış rusiyalı psixoloq, yazar və televiziya aparıcısı Mixael Labkovskinin çıxışı baş tutacaq.
İnsanoid.com xəbər verir ki, onun “Sevgi və xoşbəxtlik haqqında böyük söhbət” layihəsi çərçivəsində keçiriləcək ictimai konsultasiyası izləyicilərlə görüşə açıq olacaq.
Çıxışdan əvvəl Labkovski, tədbirin təşkilatçıları – “Azconsert” tədbir şirkətinin rəhbərləri Rene Torres və Elman Məmmədov, eləcə də tanınmış jurnalist Həmid Həmidovla birlikdə Azərbaycanın Ümummilli Lideri Heydər Əliyevin, onun həyat yoldaşı, görkəmli alim-oftalmoloq, akademik Zərifə Əliyevanın, görkəmli Azərbaycan-sovet opera və estrada müğənnisi, bəstəkar, SSRİ xalq artisti, Azərbaycan Xalq Artisti Müslüm Maqomayevin məzarlarını ziyarət ediblər.
