"Atam altıncı “kolon”da cəza çəkirdi. Dayısının şəri ilə həbs olunmuşdu. Evdə oturmuşduq, mübahisə yarandı. Rəhmətlik əmim ruhi xəstə olduğuna görə onun dayısı cəzaçəkməyə, o isə ruhi xəstəxanaya gedəcəkdi. İzahatında yazmışdır ki, Əşrəf Hüseynəliyev də orada olub. Birinci atamı elə evdən gəlib həbsxanaya apardılar".
Axşam.az xəbər verir ki, bu sözləri Əməkdar artist Elton Hüseynəliyev "Gün ortası" verilişində deyib. Müğənni uşaqlıq illərində yaşadığı çətinliklərdən danışıb:
"Atam bir il cəza çəkdi. Ondan sonra onun dayısı Orduxan getdi və onun izini-tozunu görmədik. İkinci dəfə isə atam içkili olub, avtomobildə onu yuxu tutub. Sürücü atamı oyada bilməyib. Onu hansısa polis bölməsinə aparıb. Bax, belə qarmaqarışıq məqamlar və hadisələr yaşanıb. Yəni mənim atam heç kimin qəlbinə dəyən insan olmayıb. Amma onun nədəsə günahı olmuşdur ki, cəza çəkib. Mən halal ata və ananın övladı olmuşam".
