"Etiraf edə bilərəm ki, sevgim günü-gündən artır. Deyirlər ki, sevginin ömrü 3 il olur. Amma mən razı deyiləm. İllər keçdikcə insan doğmalaşır, daha çox sevirsən. Artıq o, sənin yarın olur. İçimdə olan sevgi hissini bütün qadınlara arzu edirəm".
Bakuplus.az xəbər verir ki, bu haqda müğənni Günay İbrahimli ATV kanalında yayımlanan “Gün ortası” verilişində danışıb. O, sevgilisindən söz açarkən kövrəlib:
"İçimdə olan bütün sevgi hissini bütün qadınlara arzu edirəm. Hədiyyələr və jestlər boş şeydir. Sənin yanında qeydinə qalan, səni çox sevən və arxanda kölgə kimi dayanan bəy olmalıdır. Ona görə hər kəsə arzu edirəm. Çox şükür, sevilirəm və sevirəm. Allah bizi heç zaman ayırmasın. Sevgim günü-gündən artır və ölənə qədər sevəcəyəm. Şəxsi həyatım barədə efirdə danışmağı sevmirəm, hər şeyi efirdə danışmaq olmaz. İnsanın özəli olmalıdır".
