Bakıda qrunt suları küçəni keçilməz edib. Bu haqda 11 may tarixində Oxu.az məlumat verib.
Son günlərdə intensiv yağan yağışlar nəticəsində və yağış barmaqlıqlarının tutulması səbəbindən Sabunçu rayonu, “Vağzal dairəsi” adlanan ərazini su basıb. Nəticədə burada gölməçə yaranıb.
“Həmin əraziyə baxış keçirilib və birgə görülmüş tədbirlər nəticəsində barmaqlıqlar təmizlənərək, sular kənarlaşdırılıb. Hazırda qeyd olunan küçədə vəziyyət stabildir və subasma halları müşahidə olunmur”, - Sabunçu qəsəbəsi üzrə nümayəndəsi Vüsal Hüseynov bildirib.
