Xəbər verildiyi kimi, Səhiyyə Nazirliyi 10-a yaxın plastik cərrahın sertifikasiya şəhadətnaməsini ləğv edib.
Lent.az lisenziyası ləğv edilən daha bir plastik cərrahın kimliyini öyrənib.
Bu, “Azər-Türk Med” klinikasında plastik cərrah kimi fəaliyyət göstərən Təbəssüm Qurbanovadır.
Təbəssüm Qurbanova bir müddət əvvəl əməliyyat zamanı canlı yayım açdığı üçün medianın gündəminə gəlmişdi.
Mediada yayılan məlumatlara görə, Təbəssüm Qurbanova “Azərbaycan Dəmir Yolları” Qapalı Səhmdar Cəmiyyətinin keçmiş sədri, hazırda isə rəqəmsal inkişaf və nəqliyyat nazirinin müavini Cavid Qurbanovun yaxın qohumudur.
Qeyd edək ki, bundan əvvəl plastik cərrahlar – Sevinc Heydərova, Bəhicə Kərimova, Rəna Quliyeva, Könül Ağamirova və Şövkət Əliyevanın da lisenziyalarının ləğv olunmasına dair xəbər verilib.
Bununla da lisenziyası ləğv olunan plastik cərrahların sayı 6-ya çatıb.
