Bakının Suraxanı rayonu Bahar qəsəbəsinin sakinləri işə, məktəbə qaranlıq yollarla gedirlər.
Bu barədə Bakuplus.az-a sakinlər məlumat verib. Onların sözlərinə görə, qəsəbənin küçələri işıqlandırılmır:
“Uşaqları səhərlər məktəbə telefon işığı ilə aparırıq. Hər tərəf qaranlıq olur. Yollar pis gündədir. Üst-başımız palçıq içində olur. Nə baxan var, nə də maraqlanan. Buna bir çarə tapılmalıdır”.
Sakinlərin sözlərinə görə, qəsəbədə problem tək bununla bitmir. Onlar qeyd edir ki, həmçinin küçələr sahibsiz itlərlə doludur və bu da uşaqlar üçün ciddi təhlükə yaradır.
Məsələ ilə bağlı Suraxanı rayon İcra Hakimiyyətinə sorğu ünvanlamışıq. Hələlik heç bir cavab yoxdur.
