Nərimanov rayonunda gənclərin kəndirlə mübarizə idman növü üzrə nümunəvi çıxışları baş tutacaq. Bu haqda 22 avqust tarixində Bakuplus.az Nərimanov Rayon Gənclər və İdman İdarəsinə istinadən xəbər verir.
Nümunəvi çıxışlar 28 avqust saat 10:00-da Atatürk prospekti, 37 ünvanında Nərimanov Rayon Gənclər və İdman İdarəsinin və Azərbaycan Kəndirlə Mübarizə İdmanı İctimai Birliyinin birgə təşkilatçılığı ilə həyata keçiriləcək.
Tədbirin məqsədi kütlə arasında kəndirlə mübarizə idman növünün təbliği, idmana marağın artırılması, sağlam həyat tərzinə çağırış, asudə vaxtının səmərəli təşkilidir.
Tədbirin sonunda iştirakçılara sertifikatlar təqdim ediləcək. Yarışda iştirak etmək üçün linkə daxil olub qeydiyyatdan keçmək lazımdır.
