Bakının Binəqədi rayonu, 7-ci mikrorayon, Süleyman Sani Axundov küçəsində olan yaşıllıqlar kəsilib. Bununla bağlı Bakuplus.az “Bakı Gündəliyi” Facebook səhifəsinə istinadən məlumat verir.
“Dərnəgül” metro stansiyasının yaxınlığında olan sahə bir neçə il ərzində metal torla hasarlanıb, içəridə qalan ağaclar isə baxımsız vəziyyətdə qalıb. Əvvəllər ərazi ağaclarla dolu olsa da, indi ağacların bir qisminin məhv olduğu, prosesin davam etdiyi deyilir.
Yayılan şəkillərdən birincisi 2021-ci ilin fevral ayında çəkilib, son fotolarda isə indiki vəziyyət təqdim edilir. Fotolarda kəsilən və ya budanan ağaclar görünür. Şikayətlə müraciət edən sakin güman edir ki, ağaclar kəsilib və ərazidə tikinti işlərinə hazırlıq görülür.
[caption id="attachment_123670" align="alignnone" width="640"]
Foto Baki Gundeliyi[/caption]
