Keçmiş əri, iş adamı Yan Abramovdan ayrılan məşhur rusiyalı müğənni Alsu əmlak bölgüsü ilə bağlı yeni tələblərlə məhkəməyə müraciət edib.
Bakuplus.az xəbər verir ki, Alsu 10 milyard rubl (109 milyon dollar) dəyərində 100 səhifəlik siyahı təqdim edib. Siyahıya mənzillər, bağ evləri, avtomobillər, qarajlar, şirkət səhmləri, bank hesabları və digər əmlaklar daxildir.
Yan Abramov Alsuya 2.5 milyard rubl təklif etsə də, müğənni bu təklifi qəbul etməyib. Alsu həmçinin Moskva şəhərindəki “Triumf Palace” mənzilinin mülkiyyət hüququnu tələb edib. Daşınmaz əmlakın dəyəri 300 milyon rubl (3 milyon dollar) qiymətləndirilir.
Qeyd edək ki, Alsu və Yan Abramov 18 il evli olub və üç övladları var: Safina, Mikella və Rafael.
