17:30 - Yenilənmə
Baş Prokurorluğun mətbuat xidmətindən verilən məlumata görə, hadisə əvvəlcə intihar kimi təsnif edilib. Prokurorluq əməkdaşları tərəfindən aparılmış istintaq tədbirləri nəticəsində hadisənin intihar deyil, qəsdən adam öldürmə olması müəyyən edilib.
12:06 - Bakıda 15 yaşlı oğlan anasını bıçaqlayaraq öldürüb
Bakının Xətai rayonunda 15 yaşlı yeniyetmə anasını yaşadıqları mənzildə qətlə yetirib. Bu haqda bu gün, 10 fevral tarixində Qafqazinfo məlumat verib.
46 yaşlı Solmaz Mansurovanın kəsilmiş-deşilmiş yaralarla meyiti bu gün tapılıb və bu haqda polisə məlumat verilib. Hadisə yerinə polis əməkdaşları dərhal cəlb olunublar.
İlkin araşdırmalara əsasən, qətl mərhumun oğlu tərəfindən şəxsi münasibətlər zəminində törədilib. 15 yaşlı oğlan saxlanılıb və istintaqa təhvil verilib.
