Bakıda narkotik alverinə qarşı əməliyyat keçirilib. Bu haqda bu gün, 15 iyul tarixində Bakuplus.az Report-a istinadən xəbər verir.
Keçirilən əməliyyat zamanı narkotiklərin qanunsuz dövriyyəsini təşkil edən tranzit yükdaşıma fəaliyyəti ilə məşğul olan Sahil Cabbarov və əvvəllər məhkum olunmuş Səfadar Ağazadə tutulublar. Onlarda və S.Cabbarovun idarə etdiyi qoşqulu yük avtomobilində ümumilikdə 19 litr həcmində 13 kiloqram maye halında olan metamfetamin aşkar edilib.
Şübhəli şəxslər narkotikləri adını bilmədikləri İran vətəndaşından aldıqlarını bildiriblər. Onlar şübhə oyatmamaq üçün metamfetamini maye halına salaraq ölkəyə gətiriblər. Burada isə onu kristal formaya qaytararaq satışını təşkil etməyi planlaşdırıblar.
Faktla bağlı cinayət işi açılıb. Araşdırmalar davam edir.
