Bakıda yol hərəkətini qaydalarını kobud şəkildə pozan və digər hərəkət iştirakçılarının həyatına təhlükə yaradan 4 nəfər cəzalandırılıb. Bu haqda bu gün, 10 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Gecə saatlarında yüksək sürətlə motosiklet idarə edən Tural Əkbərov və avtoxuliqanlıq hərəkətləri törədən Nicat Şamıyevin barələrində inzibati protokol tərtib olunub. Məhkəmənin qərarı ilə Tural Əkbərovun sürücülük hüququ 6 ay, Nicat Şamıyevin sürücülük hüququ isə 1 il müddətinə məhdudlaşdırılıb.
Keçirilən əməliyyat zamanı daha iki avtoxuliqan – Elmir Qarayev və Elşən Mirzəyev müəyyən ediliblər. Onlar öz əməllərini lentə alıb sosial şəbəkələrdə paylaşımlar ediblər. Məhkəmənin qərarı ilə hər ikisinin sürücülük hüququ 1 il müddətinə məhdudlaşdırılıb, cərimə tətbiq olunub.
