Binəqədi rayonunun Müşfiqabad qəsəbəsində iki avtobus toqquşub. Yol-nəqliyyat hadisəsi nəticəsində iki nəfər xəsarət alıb. Bu haqda bu gün, 25 sentyabr gecə saatlarına Report məlumat verib.
Hadisə yerinə təcili tibbi yardım briqadası cəlb olunub. 36 yaşlı Rəqimə Yolçuyeva qarının küt travması və qapalı kəllə-beyin travması, 28 yaşlı Səriyyə Şirinova isə qapalı kəllə-beyin travması ilə xəstəxanaya yerləşdirilib. Yolçuyevanın vəziyyəti ağır kimi qiymətləndirilir.
Faktla bağlı araşdırma aparılır.
Daha öncə, 17 sentyabr Bakı şəhəri Nizami rayonunda 57 yaşlı Əli Quliyev marşrut avtobusunda qəfildən ölmüşdür.
