22 noyabr tarixində Bakıda katalizator oğrusu saxlanıb. Hadisə paytaxtın Yasamal rayonunda qeydə alınıb. Bu haqda Daxili İşlər Nazirliyinin mətbuat xidməti məlumat yayıb.
Rayonun 26-cı Polis Bölməsinin əməkdaşları tərəfindən həyata keçirilən əməliyyat-axtarış tədbiri nəticəsində paytaxt ərazisində avtomobillərin səsboğucu sistemi, yəni katalizatorlarını oğurlayan Bakı şəhər sakini Xəyal Hüseynzadə tutularaq istintaqa təqdim edilib.
Araşdırma zamanı onun son 2 ay ərzində Yasamal və paytaxtın digər rayonlarında ümumilikdə 6 avtomobilin katalizatorunu oğurladığı məlum olub.
Oğurlanan katalizatorlardan bir neçəsi Xəyal Hüseynzadə saxlanılan zaman onun üzərindən aşkar olunub.
Saxlanılan şəxs barəsində 26-cı Polis Bölməsində toplanan materiallar araşdırmanın davam etdirilməsi üçün istintaqa göndərilib.
Faktla bağlı istintaq-əməliyyat tədbirləri davam etdirilir.
[caption id="attachment_15145" align="alignnone" width="800"]
Foto DIN-in rəsmi Youtube səhifəsi[/caption]
