Bakıda piyadanın xəsarət alması ilə nəticələnən yol qəzası baş verib. Hadisə paytaxtın Yasamal rayonunda qeydə alınıb. Bu haqda APA 23 dekabr tarixində xəbər verib.
Yeni Yasamal yaşayış massivində yolu keçən 22 yaşlı Cəfər Abdullayevi 99-XV-303 dövlət nişanlı “BMW” markalı avtomobil vurub. Qəza nəticəsində “BMW” idarəetmədən çıxaraq yol kənarında dayanan “Toyota”, “Ford”, “VAZ 2107” və “Opel” markalı avtomobillərə çırpılıb.
Ağır xəsarətlər alan Abdullayev Kliniki Tibbi Mərkəzə yerləşdirilib.
Faktla bağlı araşdırma aparılır.
