Bu gün, 19 noyabr gecə saatlarında Bakı şəhəri, Yasamal rayonunda iki avtomobilin toqquşması nəticəsində 4 nəfər xəsarət alıb. Bu haqda APA məlumat verib.
Hadisə Afiyyədin Cəlilov və Akim Abbasov küçələrinin kəsişməsində qeydə alınıb. İşıqforla tənzimlənən dördyolda “Toyota” və “Hyundai” markalı avtomobillərin sürücüləri biri-birlərinə yol verməyərək qəza törədiblər. Hər iki avtomobilin sürücüləri və iki sərnişin xəsarət alıb.
Qəza törədən sürücülər arasında yaranan mübahisə davaya çevrilib. Hadisə yerinə yol polis əməkdaşları cəlb olunub. Yaralılara yerində ilk tibbi yardım göstərilib.
