Yanvarın 20-də Sabunçu rayonu ərazisində avtomobilə atəş açan şəxsin sürücünün ailə üzvü olduğu məlum olub. Bu haqda Oxu.az bu gün, 25 yanvar tarixində xəbər verib.
Alınan məlumata əsasən, atəşə tutulan avtomobil keçmiş polis əməkdaşı Tərlan Namazova məxsusdur. Onun bu yaxınlarda yol verdiyi nöqsanlara görə işdən çıxarıldığı bildirilir.
Daxil olan məlumata görə, hadisə məişət münaqişəsi zəminində baş verib, atəş açan şəxs Namazovlar ailəsinin üzvü olub. Hadisə zamanı o, sərxoş vəziyyətdə olub.
Daha öncə məlum olmuşdur ki, Tərlan Namazovun idarə etdiyi “Pajero” markalı avtomobilə naməlum şəxs odlu silahdan atəş açmışdır.
