Taksiləri aldadan qız barədə açıqlama verilib. Bu haqda bu gün, 19 noyabr tarixində Report Daxili İşlər Nazirliyinə istinadən məlumat yayıb.
Yasamal rayonu sakini 18 yaşlı Səriyyə İsmayılova saxlanılaraq polis idarəsinə gətirilib. O, törətdiyi əməlləri etiraf edib.
Onunla bağlı hüquq-mühafizə orqanlarına hələ ki, heç bir şikayət daxil olmayıb.
Bir neçə gün öncə sosial şəbəkələrdə dələduz yeniyetmə qız barədə məlumatlar yayılmışdır. O, paytaxt ərazisində taksi sifariş edərək, müxtəlif bəhanələrlə gediş haqqını ödəmirdi, eləcə də fərqli bəhanələrlə sürücülərdən pul götürüb yaxınlıqdakı binalara daxil olaraq geri qayıtmırdı.
