Bakıda narkotikə görə tutulan şəxsin oğurluq etdiyi məlum olub. Bu haqda 20 aprel tarixində Report məlumat verib.
Sabunçu rayonunda polis əməkdaşlarının keçirdikləri əməliyyat-axtarış tədbirləri nəticəsində saxlanılan Bakı şəhər sakini Fərid Dövlətovdan 345 qram marixuana aşkar edilib.
Həmçinin məlum olub ki, o, “Mercedes” markalı yük avtomobilindən akkumulyator, Kürdəxanı qəsəbəsindəki bir yarımtikilidən 5000 manat dəyərində elektrik naqili, bir mağazadan 720 manat pul, 530 manat dəyərində tütün məmulatı və mobil telefon aksesuarları, 15 evdən və 7 həyətyanı sahədən isə ümumilikdə 9100 manat pul, geyim, məişət əşyaları və təmir-tikinti alətləri, inşaat materialları və su sayğacını oğurlayıb.
Faktla bağlı araşdırma aparılır.
