Bakının 6 saylı Doğum Evində (Elmi-Tədqiqat Mamalıq və Ginekologiya İnstitutu) körpənin ölümü ilə bağlı araşdırma başlayıb. Bu barədə 27 iyul tarixində APA Baş Prokurorluğun mətbuat xidmətinə isinadən məlumat verib.
Hazırda körpənin ölüm səbəbinin müəyyənləşdirilməsi istiqamətində araşdırma aparılır.
İyulun 27-də körpənin Elmi-Tədqiqat Mamalıq və Ginekologiya İnstitutunda (6 saylı Doğum Evi) ölməsi, meyitin isə doğum evindən həkimlər tərəfindən oğurlanması ilə bağlı iddialar və görüntülər körpənin ailəsi tərəfindən yayılıb. Ailə, həmçinin körpənin həkim səhlənkarlığından öldüyünü iddia edib.
Tibbi müəssisəsindən verilən məlumata əsasən, körpənin doğuş zamanı ağır asfiksiya, yenidoğulmuşun qıcolması, tənəffüs çatışmazlığı qeydə alınıb. Bu səbəbdən o, Yenidoğulmuşların Reanimasiya və İntensiv Terapiya şöbəsinə yerləşdirilmiş və süni tənəffüs aparatına qoşulmuşdur. Uşaq 26 gün ərzində süni tənəffüs aparatına qoşulduğunu və poliorqan çatışmazlığı nəticəsində tələf olduğu bildirilir.
"Ölüm diaqnozu ağır asfiksiya, neonatal koma, III dərəcəli mədəcik daxili qansızma, qıcolması, ketalohematoma olub. Meyit təşrihə verilib. Patomorfologiya müayinəsi nəticəsində ölüm səbəbi dəqiq bəlli olacaq".
Açıqlamada həmçinin qeyd olunub ki, həkim mütəmadi olaraq uşağın vəziyyəti ilə bağlı ailə üzvlərini məlumatlandırıb, hətta ailə üzvlərinin körpə ilə görüşünü də təşkil edib: “Müəssisəmizdə bununla bağlı video sübutlar da mövcuddur”.
