Azərbaycanda falçı Alim Əliyev kardioloq qadından 22 min manat alaraq onu aldadıb.
Bakuplus.az Qafqazinfo-ya istinadən xəbər verir ki, Bakı və Quba rayonlarında evlərini satmaqda çətinlik çəkən kardioloq tanışlarının tövsiyəsi ilə Astaranın dağ kəndində yaşayan Alimə müraciət edib. Falçı, evlərin satılması və digər problemlərin həlli üçün zərərçəkmişdən müxtəlif vaxtlarda pul alıb, amma heç bir nəticə əldə etməyib.
Kardioloq bir ildən sonra aldadıldığını başa düşüb və Alim Əliyevdən şikayət edib.
Falçı Cinayət Məcəlləsinin 178.2.4-cü maddəsi ilə ittiham olunub. Məhkəmə ona "ev dustaqlığı" qətimkan tədbiri seçib və ziyanı ödəməsi üçün şans verib.
Alim Əliyev məhkəmədə özünü təqsirli bilmədiyini, vəhy gəldiyini iddia edib. Hakim ona zərərçəkmişə dəymiş ziyanı ödəməsi tapşırıb. İki iclasdan sonra falçı pulun hamısını ödəyib. Cinayət işinə xitam verilə bilər, çünki ziyan ödənilib.
