Dekabrın 1-də saat 22:00 radələrində Bakı-Sumqayıt yolunda oğurluğa cəhd göstərən iki nəfər saxlanılıb. Bu haqda BakuPlus.az Daxili İşlər Nazirliyinin (DİN) mətbuat xidmətinə istinadən bu gün, 2 dekabr tarixində məlumat verir.
Verilən məlumta görə, 2 nəfər Bakı-Sumqayıt avtomobil yolunda yerləşən yerüstü piyada keçidinin dekorativ metal borularını kəsərək oğurlamağa cəhd edib. Ərazidə xidmət aparan Binəqədi Rayon Mühafizə İdarəsinin əməkdaşları əməli aşkar edərək iki nəfəri saxlayıblar. Onların Füzuli rayon sakini Adəm Şükürov və Şirvan şəhər sakini Məhərrəm Səfərov olduqları məlum olub.
Hər iki şəxs Binəqədi RPİ-nin 6-cı Polis Bölməsinə təhvil verilib. Faktla bağlı araşdırma aparılır.
