Bakıda oğurluqda şübhəli bilinən 2 şəxs saxlanılıb. Bu haqda 17 yanvar tarixində Bakuplus.az Daxili İşlər Nazirliyinə istinadən xəbər verir.
Yasamalda yanvarın 8-də və 9-da R.İsrafilovanın mobil telefonunu və içərisində 157 manat olan pulqabını, bir mağazadan isə 200 manat pul və 800 manat dəyərində mobil telefon oğurlanıb. Polisin keçirdiyi əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Ü.Babayev saxlanılıb.
Daha bir oğru Binəqədi rayonunda yaxalanıb. Yanvarın 14-də rayon ərazisindəki evlərin birindən 1800 manat pul oğurlamaqda şübhəli bilinən Tərtər rayon sakini M.Seyidzadə saxlanılıb.
Hər iki faktla bağlı araşdırma davam edir.
