Binəqədidəki mebel sexində baş vermiş partlayış və yanğın nəticəsində dağıntılar altından çıxarılan meyitlərin sayı 9-a çatıb. Bu haqda bu gün, 16 yanvar tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Patrul.az xəbər portalından əldə olunan məlumata görə, dağıntıların altında hələ də 7 nəfərin cəsədləri qalır.
16:05 - Binəqədidə yanğında həlak olanlardan biri qadındır – YENİLƏNİB - 3
Binəqədidəki mebel sexində baş vermiş partlayış və yanğın nəticəsində dağıntılar altından çıxarılan meyit qadına aiddir. Bu haqda bu gün, 16 yanvar tarixində Bakuplus.az Qafqazinfo-ya istinadən məlumat verir.
Cəsədin mebel salonunda dərzi işləyən Ülviyyə adlı qadına aid olması ehtimal olunur.
Rəşad adlı sex müdirinin dağıntılar altında qalması da bildirilir.
15:41 - Binəqədidə yanğında həlak olanların sayı 8-ə çatıb – YENİLƏNİB - 2
Binəqədidəki mebel sexində baş vermiş partlayış və yanğın nəticəsində dağıntılar altından daha bir nəfərin cəsədi tapılıb. Ölənlərin sayının 8-ə çatdığı bildirilir. Bu haqda bu gün, 16 yanvar tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
11:14 - Binəqədidə baş vermiş partlayışda xəsarət alanların müalicəsi davam edir - YENİLƏNİB
Bakının Binəqədi rayonunun A.Kunanbayev küçəsinin yaxınlığında yerləşən sexdəki partlayışda 16 xəsarət alanın müalicəsi davam etdirilir. Bu haqda bu gün, 16 yanvar tarixində Bakuplus.az TƏBİB-yə istinadən məlumat verir.
Verilən məlumata görə, hadisə yerinə 19 təcili yardım briqadası cəlb olunub.
Ümumilikdə 24 nəfər xəsarət alıb. Onların brinə yerində ilk tibbi yardım göstərilib, qalanlar isə xəstəxanaya aparılıblar. 10 nəfər Kliniki Tibbi Mərkəzə təxliyə olunub. Xəstələr müştərək politravma, bədənin çoxsaylı yanıqları və sınıqları diaqnozları ilə xəstəxanaya yerləşdiriliblər.
13 nəfər isə müxtəlif yanıq xəsarətləri ilə Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub.
Bu gün xəstəxanalardan 7 nəfər evə buraxılıb, 16 nəfərin müalicəsi davam etdirilir.
10:24 - Binəqədidə baş vermiş partlayışın VİDEOsu yayılıb
Binəqədidəki mebel sexində baş vermiş partlayış və yanğın nəticəsində ölənlərin sayı 7-yə çatıb. Bu haqda bu gün, 16 yanvar tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Həlak olanlardan biri 35 yaşlı Gürcüstan vətəndaşı, Bolnisi bələdiyyəsinin Naxiduri (Arıxlı) kənd sakini Sərrac Yusubovdur.
Sosial şəbəkələrdə baş vermiş partlayışın görüntüləri yayılıb:
[video width="854" height="428" mp4="https://bakuplus.az/storage/photos/2024/01/video_2024-01-16_10-10-341.mp4"][/video]
