Binəqədi rayonu, “Mədən-2” adlanan ərazidə evin zirzəmisinə neft dolub. Bu haqda bu gün, 27 mart tarixində Bakuplus.az Xəzər Xəbərə istinadən məlumat verir.
Ev sahibinin sözlərinə görə, zirzəmiyə neft dolması səbəbindən bina qəzalı vəziyyətə düşüb, üfunətdən evdə dayanmaq olmur.
“Otaqda oturanda güclü səs gəldi. Öncə heç nə tapmadıq, sonra məlum oldu ki, zirzəmiyə neft dolur”, – deyə sakin qeyd edib.
O əlavə edib ki, müvafiq qurumlara müraciət olunsa da, heç kim ona kömək etmir.
“Evin bir hissəsi havada qalıb, uşaqlar daim öskürürlər. Hamı deyir: “Evdən çıxın, burada yaşamaq olmaz, ancaq heç kim kömək etmir”, – deyə ev sahibi bildirib.
