Bakının Binəqədi rayonundakı marketlərin birindən noyabrın 23-də səhər saat 07:00 radələrində oğurluq edilib. Bu haqda bu gün, 24 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən xəbər verir.
Binəqədi RPİ-nin 43-cü Polis Bölməsinə verilən məlumata əsasən, marketə girən şəxs oradakı iki satıcını bıçaqla hədələyib, quldurluq yolu ilə pul və ərzaq məhsullarını talayıb.
Aparılan əməliyyat-axtarış tədbirləri nəticəsində quldurluq əməlini törətməkdə şübhəli bilinən Bakı şəhər sakini, əvvəllər dələduzluğa və soyğunçuluğa görə məhkum olunmuş Ramin Mirzəyev saxlanılıb. Faktla bağlı araşdırma aparılır.
