Bakıda nəğməkar-şair obyekt sahibini döyüb. Bu haqda 8 aprel tarixində Report məlumat verib.
Yasamal rayonu, İ.Qutqaşınlı küçəsi, 36 ünvanında yerləşən “Pinachi” kimyəvi təmizləmə mərkəzində Cəlal Qurbanov və onun bir neçə tanışı obyektin sahibi Fəhmin Əlizadənin üzərinə hücum edərək onu döyüblər.
Faktla bağlı Yasamal Rayon Polis İdarəsinin 26-cı Polis Bölməsində araşdırma aparılır.
Cəlal Qurbanov Azərbaycan Yazıçılar Birliyinin üzvü, nəğməkar-şair, "Fire Land" prodakşının rəhbəri, Azərbaycan Milli İdman Növləri Assosiasiyasının vitse-prezidenti və Azərbaycan Milli Güləş Federasiyasının prezidentidir. Onun bir çox şeirlərinə mahnılar bəstələnib.
