Bakıda tanışını döyərək öldürməkdə təqsirləndirilən Həsən Çəndirliyə hökm oxunub. Bu haqda bu gün, 15 noyabr tarixində Report məlumat verib.
Məhkəmə prosesi Bakı Ağır Cinayətlər Məhkəməsinin hakimi İlham Mahmudovun sədrliyi ilə keçirilib. Çəndirli 9 il 6 ay müddətinə azadlıqdan məhrum edilib.
Belə ki, 14 sentyabr tarixində Xətai rayonu, Əhmədli qəsəbəsində Həsən Çəndirli şəxsi münasibətlər zəminində aralarında baş vermiş mübahisə zamanı 27 yaşlı Hüseyn Hüseynovu döyərək ona xəsarət yetirib. Yaralı 3 saylı Şəhər Kliniki Xəstəxanasına yerləşdirilib, lakin aldığı ağır zərbələrdən orada keçinib.
Faktla bağlı CM-in “Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb.
