Bakı-Qazax-Gürcüstan sərhədi yolunda ağır yol qəzası baş verib.
Bakuplus.az Daxili İşlər Nazirliyinə istinadən xəbər verir ki, hadisə yolun Ələt qəsəbəsindən keçən hissəsində ötən gün saat 22:30-da baş verib.
Sabirabad rayon sakini Elmir Əhmədovun idarə etdiyi “Kamaz” markalı yük avtomobili qarşıda gedən “Mercedes” markalı mikroavtobusla toqquşub. Nəticədə mikroavtobusda olan 1 azyaşlı xəsarət alıb. O, xəstəxanaya yerləşdirilib.
Qəzaya səbəb Yük avtomobilinin sürücüsünün yorğun, yuxusuz olması göstərilir.
“Baş Dövlət Yol Polisi İdarəsi bir daha sürücülərə, xüsusilə sərnişin və yükdaşıma fəaliyyəti göstərən şəxslərə müraciət edərək onları hərəkət zamanı istirahət rejiminə ciddi əməl etməyə, bunun üçün DYP-nin stasionar postlarında yaradılmış şəraitdən yararlanmağa çağırır”, - deyə DYP-dən bildirilib.
