AQTA şirniyyatdan qurd çıxması faktına görə marketdə yoxlama keçirib. Bu haqda 30 noyabr tarixində Report xəbər verib.
Bakı şəhəri, Yasamal rayonu, Hüseyn Cavid pr., ev “Q”, 556/557-ci məhəllə, m.1 ünvanında yerləşən, “Kazbek” marketdə plandankənar yoxlama keçirib. Aqentliyə şirniyyat məhsulundan qurd çıxması ilə bağlı məlumat daxil olduqdan sonra reyd başlanıb.
Yoxlama zamanı marketdə qida təhlükəsizliyi qaydaların tələblərinin pozulduğu aşkar edilib. Marketdə temperatur rejiminə əməl olunmadığı, həmçinin işçi heyətin dövri olaraq tibbi müayinədən keçmədiyi, dezinfeksiya, deratizasiya və dezinseksiya işlərinin aparılmadığı müəyyən edilib.
Fiziki şəxs Nağıyev Araz məxsus Marketin rəhbəri inzibati məsuliyyətə cəlb olunub.
