Bakının Sabunçu rayonu, Maştağa qəsəbəsində ölümlə nəticələnən bıçaqlama baş verib. Bu haqda bu gün, 16 mart tarixində Bakuplus.az Baş Prokurorluğa istinadən məlumat verir.
Hadisə saat 00:05 radələrində Axund Mirzə küçəsində baş verib. 30 yaşlı Əli Seyidli ürək nahiyəsindən kəsici-deşici, üz nahiyəsindən isə küt alətlə yetirilmiş xəsarətlər nəticəsində qəsdən öldürülüb.
Faklta bağlı Sabunçu rayon prokurorluğunda “qəsdən adam öldürmə” maddəsi ilə cinayət işi başlanıb. Cinayəti törədən şəxs və yaxud şəxslər prokurorluq və daxili işlər orqanlarının əməkdaşları tərəfindən axtarılırlar.
APA-dan əldə olunan məlumata görə, Səyidli tanış adamı tərəfindən öldürülüb. Onun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin Sabunçu Rayon Şöbəsinə yerləşdirilib.
