Binəqədi rayonunda əlbir olan bir qrup tərəfindən marketdən ödəmə terminalı oğurlanıb. Bu haqda bu gün, 8 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Binəqədi Rayon Polis İdarəsinə daxil olan məlumata görə, gecə saatlarında 3 nəfər marketlərdən birinin qapısını sındıraraq içəridə olan ödəmə terminalını talayaraq dəstə üzvlərinin birinə – Kamil Əliyevə məxsus avtomobildə hadisə yerindən yayınmağa çalışıblar. Həmin zaman onların avtomobili digər digər nəqliyyat vasitəsinə çarpılıraq qəza törədib.
Məsuliyyətdən yayınmaq məqsədilə qrup üzvləri əvvəlcədən digər avtomobildən oğurlanan dövlət qeydiyyat nişanlarını öz avtomobilinə bağlayıblar.
Həyata keçirilən əməliyyat nəticəsində hadisəni törədən əvvəllər məhkum olunmuş şəxslər – 27 yaşlı Şamxal Qarayev, 33 yaşlı Kamil Əliyev və 27 yaşlı Rəsul Rzayev saxlanılıblar. Onlar barəsində məhkəmənin qərarı ilə həbs qətimkan tədbiri seçilib. Araşdırma davam edir.
