Yasamal rayonunda 15 yaşlı qız imtahana görə intihar edib. Bu haqda 31 mart tarixində Oxu.az xəbər verib.
Yeni Yasamal yaşayış massivində axşam saatlarında 15 yaşlı Z.C. doqquzmərtəbəli binadan özünü atıb. Yeniyetmə hadisə yerində dünyasını dəyişib.
Yeniyetmə qarşıda gözlənilən imtahandan az bal yığacağını, zəif nəticə göstərəcəyini ehtimal edərək stres keçirib. Məlum olub ki, o, bundan öncəki sınaq imtahanında istədiyi qədər bal toplaya bilmədiyindən, şagird imtahanından da keçə bilməyəcəyini düşünürmüş. Onun buna görə psixoloji gərginlik altında intihar etdiyi ehtimal olunur.
