Nərimanov rayonunda yerləşən gecə klubunda dava baş verib. Bu haqda bu gün, 25 iyul tarixində Bakuplus.az Qafqazinfo-ya istinadən xəbər verir.
Hadisə “Oliqarx Baku” restoranında baş verib. Belə ki, səhər saatlarına doğru Həsən adlı müştərinin masasına hesab göndərilib. Müştəri isə indiyədək əyləşdiyi restoranların heç birində hesab ödəmədiyini bildirib. Bundan sonra mübahisə yaranıb. Daha sonra Həsən restoranın dəhlizində “Oliqarx Baku”nun icarədarı Vüsala zərbələr endirib.
Zərərçəkmiş şəxs məhkəməyə videokonfrans vasitəsilə qoşularaq ona ziyan vurmuş müştəridən şikayətçi olmadığını bildirib. Nərimanov Rayon Məhkəməsinin hökmünə əsasən, Həsən adlı şəxsin azadlığı 7 ay müddətinə məhdudlaşdırılıb.
