Paytaxt sakini narkotik təsiri altında avtomobil idarə edən zaman tutulub. Bu haqda bu gün, 14 avqust tarixində Bakuplus.az Daxili İşlər Nazirliyinə (DİN) istinadən xəbər verir.
Paytaxt sakini Vasif Hüseynli ödənilməmiş cərimələri olduğu halda “Honda” markalı avtomobili idarə edib. Bu səbəbdən o, Bakı-Quba yolunun Saray qəsəbəsi ərazisindən keçən hissəsində Yol Polisi İdarəsinin əməkdaşları tərəfindən saxlanılıb.
Sənədlərin yoxlanılması zamanı sürücü V.Hüseynlinin hərəkətləri şübhə doğurduğundan o, tibbi müayinəyə göndərilib.
Məlum olub ki, sürücü narkotik maddə qəbul edib. O, sürücülük hüququ iki il müddətinə məhdudlaşdırılmaqla inzibati qaydada həbs edilib.
