Bakıda narkotik vasitələrin satışı ilə məşğul olanlara qarşı tədbir keçirilib.
Binəqədi Rayon Polis İdarəsinin əməkdaşları narkotiklərin satışı və dövriyyəsi ilə məşğul olan mütəşəkkil dəstəyə qarşı əməliyyatlar həyata keçirib. Nəticədə əvvəllər narkotiklə bağlı cinayətlərə görə məhkum olunmuşlar Ruslan Azadzadə, Röyal Feyzullayev, Zaur Abdullayev, Fərid Rəcəbov və Mahir Əliyev saxlanılıblar. Onlardan 15 kiloqram heroin, 6 kiloqram tiryək və 7 kiloqram marixuana aşkar edilib.
Saxlanılan şəxslər narkotik vasitələri İran vətəndaşlarından alaraq satışını həyata keçirməyi planlaşdırıb. Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslər barəsində məhkəmə tərəfindən həbs qətimkan qərarı verilib.
Mütəşəkkil dəstənin digər üzvlərinin saxlanılması istiqamətində əməliyyatlar davam edir.
