Bakıda sərnişin avtobusu qəzaya uğrayıb. Bu haqda BakuPlus.az Report-a istinadən 5 mart tarixində xəbər verir.
4 mart, saat 19:00 radələrində Sabunçu yol qovşağının yaxınlığında “Vətən.az” MMC-nin müvəqqəti istismarında olan 166 nömrəli müntəzəm marşrut xətti üzrə hərəkət edən 10-TG-010 dövlət qeydiyyat nişanlı avtobus kommunal xidmət avtomobili ilə toqquşub.
Bakı Nəqliyyat Agentliyindən verilən məlumata əsasən, hadisə nəticəsində 3 nəfər xəsarət alıb.
Qəza ilə bağlı Bakı Nəqliyyat Agentliyində araşdırma aparılır. “Vətən.az” MMC-nin məsul şəxsi Sənan Səlimov Agentliyə çağırılıb.
[caption id="attachment_35752" align="alignnone" width="1920"] Foto Report.az saytından[/caption]
