Daxili İşlər Nazirliyinin Baş Dövlət Yol Polisi İdarəsi (BDYPİ) həftəsonu yollardakı vəziyyətlə bağlı sürücülərə müraciət edib. Bu haqda bu gün, 17 avqust tarixində Bakuplus.az məlumat verir.
Məlumata görə, şənbə və bazar günləri bölgələrə, bağlara və əyləncə məkanlarına axın artır, bu isə avtomobil yollarında hərəkət intensivliyini yüksəldir. Zəruri tədbirlərə baxmayaraq, sürücülərin yol hərəkəti qaydalarına əməl etməməsi və diqqətsizlik səbəbindən yol qəzaları baş verir.
BDYPİ sürücülərə nasaz nəqliyyat vasitələri ilə yola çıxmamalarını, sürət rejiminə və təhlükəsizlik qaydalarına riayət etmələrini, yol və hava şəraitini nəzərə almalarını, yorğun və yuxusuz halda sükan arxasına əyləşməmələrini tövsiyə edir.
