Paytaxtın Yasamal rayonunda 2013-cü ildə törədilmiş qətlin üstü 9 ildən sonra açılıb. Bu haqda bu gün, 24 may tarixində Bakuplus.az Baş Prokurorluğa istinadən xəbər verir.
Zaur Sadıxov 30 mart 2013-cü il tarixində İsmayıl Zeynalov ilə tanışlarının evində narkotik maddə qəbul ediblər. Daha sonra hər iki şəxs öz yaşadıqları evə qayıdan zaman yolda mübahisə ediblər və İ.Zeynlaov Zaur Sadıxovu boğaraq öldürüb.
Daha sonra o, Sadıxovun artıq narkotik dozasından öldüyü görüntüsünü yaratmaq üçün meyiti küçədə saxlayıb, onun mobil telefonunu və köynəyini götürərək hadisə yerindən uzaqlaşıb.
Təqsirkar saxlanılıb. Hazırda açılmış cinayət işi üzrə tədbirlər davam edir.
