Bakıda qadını hədələyərək avtomobilini oğurlayan şəxs tutulub. Bu haqda Report 19 mart tarixində xəbər verib.
11 mart tarixində Yasamal rayonu ərazisində Sumqayıt şəhər sakini olan qadının idarə etdiyi “Hyundai” markalı avtomobilə oturaraq onu bıçaqla hədələmək və quldurluq yolu ilə avtomobilini ələ keçirməkdə şübhəli bilinən, əvvəllər də məhkum olunmuş Ramil Quliyev saxlanılıb.
Polis əməkdaşları tərəfindən həmin avtomobil martın 12-də M.Xiyabani küçəsində qapısı əzilmiş və yan güzgüsü sınmış vəziyyətdə tapılıb.
Araşdırma aparılır.
Həmçinin, Ramil Quliyev martın 17-də Xırdalan şəhərində oxşar cinayəti törətmişdir. Həmin şəxs Masazır qəsəbə sakini olan qadının idarə etdiyi “Toyota” markalı avtomobilə oturub və onu boğaraq mobil telefonunu ələ keçirmək istəmişdir.
