Bakının Qaradağ rayonunun Korgöz qəsəbəsi ərazisində yük avtomobilinin sürücüsü cəzalandırılıb. Bu haqda bu gün, 2 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Keçirilən növbəti tədbir zamanı qanunsuz olaraq yerin təkindən istifadə etməklə qarışıq süxur kütləsinin “BMC” markalı yük avtomobili ilə daşınması aşkar olunub. İcazə olmadan və ya icazə şərtlərini pozmaqla yerin təkindən istifadə etdiyinə görə həmin yük avtomobilinin sürücüsü barəsində inzibati tənbeh tədbiri tətbiq edilib.
Polis əməkdaşları tərəfindən digər dövlət qurumları ilə birgə ekoloji təhlükəsizlik qaydalarının pozulması hallarının qarşısının alınması məqsədilə tədbirlər davam etdirilir.
