Sabunçu rayonu, Ramana qəsəbəsində qadının öz həyat yoldaşını döydüyü iddia olunur. Bu haqda bu gün, 14 avqust tarixində Bakuplus.az Xəzər Xəbərə istinadən məlumat verir.
41 yaşlı Beyrut Mahmudov keçmiş həyat yoldaşı tərəfindən döyüldüyünü iddia edir. Kişinin sözlərinə görə, mübahisə ərzaqların tez bitməsi və söyüş üstündə baş verib.
“Evə ərzaq alıram, tez bir zamanda yoxa çıxır. O da başladı uşağın yanında söyüş söyməyə. Qarnımı və boynumu cırıb. Mən də buna görə “102”yə zəng etdim”, – deyə o bildirib.
Qadın isə belə bir hadisənin baş vermədiyini və Beyrutun uşaqları üçün aliment ödəmək istəmədiyi üçün belə etdiyini vurğulayıb.
“2018-ci ildə boşanmışıq və mənə heç bir köməklik göstərmir, uşaqların da alimentini ödəmir. Mənə atam və qardaşım köməklik edirlər”, – deyə Ceyhunə Məmmədova qeyd edib.
Beyrut Məmmədov boşanmalarına baxmayaraq, hələ də keçmiş həyat yoldaşı ilə bir evdə yaşayır.
Daxili İşlər Nazirliyi məsələ ilə bağlı araşdırma aparılacağını qeyd edib.
