Dövlət Sərhəd Xidməti (DSX) və Daxili İşlər Nazirliyi İrandan ölkə ərazisinə satış məqsədilə narkotik vasitələrin qaçaqmalçılığı ilə məşğul olan mütəşəkkil cinayətkar qrupa qarşı birgə əməliyyat keçirib. Bu haqda bu gün, 18 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
İyulun 16-da “Horadiz” sərhəd dəstəsinin rəsmi ərazisində Qazax rayon sakini, 40 yaşlı Kamil Rəsulov 17 kq narkotik vasitəni keçirməyə cəhd edərkən saxlanılıb.
Əməliyyat-axtarış tədbirləri nəticəsində Rəsulovun qaçaqmalçılıq və narkotik vasitələrin qanunsuz dövriyyəsi ilə məşğul olan mütəşəkkil cinayətkar dəstənin tərkibində onunla birgə fəaliyyət göstərən əlbirləri, Qaradağ rayon sakinləri – Elçin İsgəndərov, 39 yaşlı Gülağa İsgəndərov və 35 yaşlı Taleh Sarıyev saxlanılıblar.
İstintaq tədbirləri davam etdirilir.
