Bakının Səbail rayonu ərazisində yanğın olub. Bu haqda bu gün, 25 iyun tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə iyunun 24-də axşam saatlarında baş verib. Ümumi sahəsi 360 kv.m olan üçmərtəbəli inzibati binanın ikinci mərtəbəsində bir otağın yanar konstruksiyaları 20 kv.m sahədə və 10 ədəd rəf yanıb, 80 kv.m sahədə lambirdən ibarət tavan əriyib.
Hadisə yerinə yanğınsöndürənlər cəlb olunublar. Binanın qalan hissəsi alovdan mühafizə olunub. Yanğın söndürülüb. Hadisə zamanı xəsarət alan olmayıb.
