Bakı sakini narkotik satmaq istəmədiyinə görə döyülüb. Bu haqda 7 aprel tarixində Report məlumat verib.
Bakı şəhər sakini, əvvəllər məhkum olunmuş F.Paşazadə aprelin 4-də bir nəfərin onu Sabunçu qəsəbəsi ərazisində yerləşən evə aparıb və 2 gün orada saxlayıb. Həmin insan Paşazadəyə narkotik vasitələr satmasını təklif edib və razı olmadıqda isə mobil telefonunu alıb digər şəxslə birlikdə onu döyüb. Döyülmə anını isə videoya çəkiblər və kadrların yayılmaması, həmçinin onun buraxılması müqabilində 2000 manat pul tələb ediblər.
Zərərçəkmişin polisə müraciətindən sonra əməliyyat-axtarış tədbirləri keçirilib. Nəticədə bu əməlləri törətməkdə şübhəli bilinən, əvvəllər məhkum olunmuşlar Etibar Rzayev və Valeriy Şuşkov müəyyən edilərək saxlanılıblar.
Faktla bağlı araşdırma davam edir.
