Bakıda qadını elektrik naqili ilə boğaraq öldürən şəxsə hökm oxunub. Bu haqda BakuPlus.az Report-a istinadən bu gün, 19 may tarixində xəbər verir.
Ötən il mayın 31-də Sabunçu rayonunun Bakıxanov qəsəbəsində kirayədə yaşayan tanışı, 32 yaşlı M.N.-i (ad, soyad şərti) sərinkeşin elektrik naqili ilə boğaraq qətlə yetirən Eynur Əlizadə 18 il müddətinə azadlıqdan məhrum edilib.
İttiham aktına əsasən, yüngül həyat tərzi keçirən M.N. hadisə günü tanışı E.Əlizadə ilə cinsi əlaqədə olmaq məqsədilə yaşadığı evə gələrək, onunla birlikdə spirtli içki qəbul edib. Daha sonra qadın çarpayısının döşəkçəsinin altında özünə avtomobil almaq üçün saxladığı 14.700 manat məbləğində pulu ona göstərib.
E.Əlizadə səhər saatlarında həmin pulu ələ keçirmək məqsədilə sərinkeşin naqili ilə qadını boğaraq öldürüb.
Proses hakim Eldar İsmayılovun sədrliyi ilə keçirilib.
