Bakıda tanışını armaturla döyən şəxsə hökm oxunub. Bu haqda 24 mart tarixində Report məlumat verib.
Sabunçu rayonu, Bilgəh qəsəbəsində 2020-ci ilin noyabr ayında Coşqun Novruzov tanışı Adil Rəhimovu şəxsi münasibətlər zəminində aralarında yaranan mübahisə zamanı küt alətlə amansızcasına döyərək ona ağır xəsarət yetirib. Yaralı sol təpə-gicgah sümüyünün kəllə əsasına keçən xətti sınığı ilə müşayiət olunan başın küt travması diaqnozu ilə xəstəxanaya yerləşdirilib.
Faktla bağlı Novruzov barəsində Cinayət Məcəlləsinin “Qəsdən sağlamlığa ağır zərər vurma” və “Xuliqanlıq” maddələri ilə ittiham irəli sürülüb.
Bakı Ağır Cinayətlər Məhkəməsinin hökmü ilə Coşqun Novruzov 6 il müddətinə azadlıqdan məhrum edilib.
