Yenilənib:
TƏBİB-dən verilən məlumata əsasən, körpə Ə.F.Qarayev adına 2 nömrəli Klinik Uşaq Xəstəxanasının Reanimasiya şöbəsinə yerləşdirilib.
Ona mərkəzi sinir sisteminin dəqiqləşdirilməmiş zədələnməsi, düşməmiş göbək diaqnozu qoyulub, vəziyyəti ağırdır.
10:20 - 10 günlük körpəsini zibilliyə atan qadın tapılıb
Aparılan araşdırma zamanı körpənin anası tapılıb. O, 31 yaşlı Səbinə Qasımovadır. Qadın uşağı Nəsimi rayonunda dünyaya gətirdiyini və Sabunçu rayonu Qənbəy Vəzirov küçəsində zibil yeşiyinə atdığını bildirib.
Araşdırmalar davam edir.
09:21 - Sabunçuda zibillikdən 10 günlük körpə tapılıb
Sabunçu rayonunda zibillikdən körpə tapılıb. Bu haqda bu gün, 18 iyul tarixində Bakuplus.az APA-ya istinadən xəbər verir.
Hadisə rayonun Tatarski küçəsində baş verib. Körpə təxminən 10-15 günlük və qadın cinslidir. O, parçaya bükülmüş vəziyyətdə olub. Uşaq körpələr evinə yerləşdirilib.
Hazırda onun valideynləri axtarılır.
