Tarixi Buzovna qayaları bakılıların yaddaşında unudulmaz istirahət məkanı kimi qalıb. İnsanlar istirahət günlərində, iş saatlarından sonra dincəlmək, filmlərdə, kliplərdə gördükləri mənzərələrə canlı-canlı şahidlik etməkdən ötrü bura təşrif gətirir və asudə vaxtlarını mənalı keçirirdilər.
Lakin indi bəzi “qoçular” tariximizi silməklə məşğuldurlar. Bu qayalar sındırılır, zibillənir, məhv olunur.
Facebook istifadəçisi Əsəd Zeynalov Bakı şəhərinin rəmzi olan Buzovna qayalarının dağıdıldığına şahid olub. O, insanlardan qayaları gələcək nəsillər üçün qoruyub saxlamaq məqsədilə mühafizəsini təşkil etməyi xahiş edib.
